User Online: 1 | Timeout: 18:20Uhr ⟳ | Ihre Anmerkungen | NUSO | Info | Auswahl | Ende | AAA  Mobil →
Nachhaltigkeit und Umweltbildung in der Stadt Osnabrück (NUSO)
Umweltgeschichtliches Zeitungsarchiv für Osnabrück
Datensätze des Ergebnis
Suche: Auswahl zeigen
Treffer:1
Sortierungen:
Anfang der Liste Ende der Liste
1. 
(Korrektur)Anmerkung zu einem Zeitungsartikel per email Dieses Objekt in Ihre Merkliste aufnehmen (Cookies erlauben!)
Erscheinungsdatum:
aus Zeitung:
Inhalt:
Überschrift:
Wi kürt Platt
Zwischenüberschrift:
Gas 40 Prozent dürder
Artikel:
Kleinbild
Originaltext:
1, 20 EURO vo' n Sprit, Gas 40 Prozent dürder un de Strompries stig jedes Johr. Et wet nu woll lagsam Tied, dat wi anfanget to spurden. Dat fällt schwor, dat giewe ik to. Düt Wohlstandsrad lät sik auk man dunig oder garnich trügge dreggen. Man mot ower man mit de paar Kröten in' n Monat utkuam.
So, un dorümme fange ik an: Spurden an ollen Ecken un Kanten. Un nich olle sau in' t rume Elben regerden, lrste es wed weniger Auto föhrt. Nich eenfach ümme een Pund Sölt fo 19 Cent mit Auto no' n Duarpe jagen. Do fäng es bi an to riaken, dann is dat Sölt dürder, os Pierper. Düt is gläuwe ik ' ne feine Riakenupgabe in de Schoule.
Up sau eene Ort kreigen de Kinner sau bitou auk noch wot van dat Spurden mit. Also: Frau Meyer föhrt mit' n 5-Liter-Auto 8 km no' n Supermarkt un will Sölt halen. Frau Schulze föhrt mit ' ne Nobel-Karosse de 12 Liter Benzin frät, den sülwigen Weg, auk bloß toun Sölt kaopen. Wauvierle kost dat Sölt, wenn man de Benzinkosten dobi reck? Ganz unabhängig dovan, dat Frau Meyer sik dat biarter leisten kann, os Frau Schulze. De Frauge küant sik de Kinner ut de 10. Klasse woll stellen. Dat is dann ' ne Upgabe mit vierle Unbekannten. In de 10. Klasse mossede man dat eegentlik henkriegen. Wenn nich, dann is dat een Fall fo' t Sozialministerium.
Mit Strom will ik auk nich mehr sau riewe ümme gauhn. Nich immer bloß Lecht anknipsen, auk maul wier utmaken. Mienen Computer un den Fernseher will ik auk immer ganz utstellen. Düsse Stand-by-Lechter bruket auk Strom. Dat läppert sik tohaupe uawer dat ganze Johr. Mit de Heizung un dat warme Water mot ik spursam sin. Dat weet ik noch nich richtig, wau ik dat make. Weniger duschen, oder in' n Winter in' n kaulen Stuarben sitten, dat gefällt mi auk nich. Düssen Luxus häw wi doch früher auk nich hat. Dau göng dat auk mit weniger. Also, Heizung toudreggen un bloß eenmaul in de Wiaken in de Wannen.
" Bring dat wot?", woll lnge van mi wierten, " ik meene auk in diene Knippen?" " Dat kann ik di noch nich seggen, ik kann den Anfang sau schlech kriegen."
Autor:
Marga Finke


Anfang der Liste Ende der Liste